Tres visións sobre Chichi Campos
Tres ilustradores —Leandro, Iván Mouronte e Idoia de Luxán— ofrecen a súa visión persoal de Chichi Campos en tres ilustracións realizadas especialmente para a ocasión.
"Escollín precisamente esta ilustración de Chichi Campos porque ao mellor facíalle gracia que fose usada no Día da Ilustración adicada a el"
Leandro
Leandro Barea, Lugo. 1974.
Logo de rematar os seus estudos de deseño gráfico e ilustración convirtiuse noutro ilustrador totalmente innecesario
«Un momento de introspección artística, un autorretrato recén feito no caderno ó estilo dos moitos que fixo de persoeiros galegos para a prensa. Algunhas publicacións nas que colaborou e obxectos da época que acompañan a escena son ecos do seu tempo.»
Iván Mouronte B.
Lugo, 1984. Ilustrador, animador, fotógrafo e deseñador gráfico. Ten realizado carteis, portadas, ilustracións para artigos en prensa e medios dixitais, deseño de personaxes e fondos para animación e videoxogos, vídeos animados, motion graphics, banda deseñada, álbum e libro ilustrado ou deseño mural.
«Levei de viaxe a Chichi Campos a través da súa propia obra e traxectoria profesional. Pasando desde o humor gráfico absurdo ao político indomable e desafiando o espazo-tempo: sempre ceibe.»
Idoia de Luxán
Ourense, 1984. Cursou Artes Gráficas na Escola Joso de BD e Gráfica Publicitaria na Escola Massana. Traballou para axencias, imprentas e como freelance, desde o 2007. Foi unha das humoristas gráficas convidadas ao 30 aniversario do AVE. Ilustrou láminas sobre a Antiga Grecia para os calendarios da Rede Pastwomen 2023 e 2024. É ilustradora residente en O Globo para Solidariedade Internacional de Galicia. Deseñou o Premio Galego de Educación para o Desenvolvemento e a Cidadanía Global. Ten participado en diferentes publicacións de banda deseñada e ilustración para editoriais, museos, universidades e entidades diversas.
